• Facebook Чистый
  • Flickr - White Circle
  • White Twitter Icon
  • Google+ Чистый
  • LinkedIn Чистый
ARM

PR դպրոցի ուսանողները ծանոթացան մենեջմենթի հմտություններին՝ Անդրեյ Պյատախինի մատուցմամբ


PR դպրոցի սաների ուսանողների համար բիզնեսի կառավարման գործնական հմտությունների և մենեջմենթի վերաբերյալ բանախոսություն կարդաց Հայաստանում Beeline-ի գլխավոր տնօրեն Անդրեյ Պյատախինը։

Հանդիպման ընթացքում Պյատախինը ծանոթացրեց լսարանին ղեկավարման հմտությունների հետ, ինչպես նաև կիսվել է անձնական ղեկավարման փորձով։

«Անձնական և մասնագիտական զարգացումը Beeline-ի կորպորատիվ սոցիալական պատասխանատվության ոլորտում մշտապես զբաղեցրել է կարևորագույն տեղերից մեկը։ Նմանատիպ ծրագրերի օգնությամբ մենք զարգացնում ենք մասնագիտական կրթությունը, ծանոթացնում ենք մարդկանց մասնագիտությունների նրբությունների հետ, սովորեցնում ենք գրագետ իրականացնել իրենց գաղափարները։ Ես ուրախ եմ հանդիպել PR դպրոցի ուսանողների հետ և կիսվել իմ անձնական փորձով և բիզնեսի վարման փոքրիկ գաղտնիքներով։ Վստահ եմ, որ ձեռք բերված գիտելիքները կօգնեն իրենց անձնական և մասնագիտական հմտությունների զարգացման հարցում», – նշեց Հայաստանում Beeline-ի Գլխավոր տնօրեն Անդրեյ Պյատախինը։

«PR դպրոցը մասնագետների համար հարթակ է, որտեղ գիտելիքներ, փորձառություն և հմտություններ ստանալուց բացի ձևավորվում է գրագետ հաղորդակցման և համագործակցության միջավայր: PR դպրոցում դասը վարում են ոլորտի լավագույնները», – նշում է «Հայկական Փի Ար ասոցիացիա» գիտատեղեկատվական ՀԿ նախագահ, ԵՊՀ ժուռնալիստիկայի ֆակուլտետի դոցենտ, բ.գ.թ. Աստղիկ Ավետիսյանը:

PR դպրոցը հիմնադրվել է 2015 թ․ «Հայկական Փի Ար ասոցիացիա»-յի կողմից՝ հասարակայնության հետ կապերի մասնագետների գիտելիքներն ու հմտությունները զարգացնելու և խորացնելու նպատակով։ Beeline-ի հետ համագործակցության շրջանակներում արդեն կազմակերպվել են տասնյակ վարպետության դասեր և մասնագիտական ուսուցողական դասախոսություններ դպրոցի սաների և ուսանողների համար։

#PRդպրոց #PRschool #AndreyPyatakhin #ManagementandCommunications

  • Facebook Чистый
  • Flickr - White Circle
  • White Twitter Icon
  • Google+ Чистый
  • LinkedIn Чистый

© 2016 "Armenian PR association" scientific-informational NGO