ARMENIAN PR ASSOCIATION

Ուսուցողական ծրագրեր

կրությունը կարևոր է զարգացած և ժողովրդավարական պետություն ունենալու համար

2006 թվականից սկսած կազմակերպվում են ուսուցողական դասընթացներ երիտասարդների, հասարակական կազմակերպությունների, ուսանողների, մարզային երիտասարդական կառույցների համար: Ոսուցողական ծրագրի կարգախոսն է` «Սովորել` սովորեցնելով»: Ուսուցողական ծրագրի յուրաքանչյուր մասնակից մասնակցությունն է ունենում ընկերներին սովորեցնելու գործընթացում:

Կազմակերպության կողմից կազմակերպվել են տարաբնույթ քարոզարշավներ` Գրքի տոն ԵՊՀ-ում, Ամառային սերենադ, Սովորում ենք PR գործիքներ, Գրականությունն իրադարձություն, Հայաստանի մարզերի օրերը Երևանում, Հայաստանն առանց աղբի, Մայիսյան հաղթանակներ. «Երջանիկ երեխաներն առողջ ու հանդուրժող հասարակության գրավականն են» արտթերապիա: Համացանցը և մենք, Սփյուռքում առկա հիմնախնդիրները հանրային կապերի մասնագետների աչքերով, Ժուռնալիստիկան իբրև PR գործիք, Քաղաքական PR տեխնոլոգիաներ, ԶԼՄ-ների հետ հարաբերություններ, քաղաքական առաջնորդի հաղորդակցական հմտություններ, առաջնորդի կերպարի ստեղծում, բրենդինգ, Գովազդ. եթերային գովազդի առանձնահատկությունները, Սոցիալական մեդիա և PR, Գենդերային իրավահավասարության հիմնախնդիրների լուսաբանումը ԶԼՄ-ներում, Pr news, PR cocktail, Pr politic ուսուցողական ծրագրերի իրականացում:
2008 թվականին հրատարակվել է «Հանրային կապեր», իսկ 2014 թվականին` «Հանրային կապերը զանգվածային հաղորդակցության համակարգում» գրքերը, որոնք սկսնակ հանրային կապերի մասնագետների համար տեսական գիտելիքներ ստանալու մատչելի տեղեկատվություն են: Գրքերի հեղինակը Հայկական Փի Ար ասոցիացիայի նախագահ, ԵՊՀ ռադիոհեռուստատեսային ժուռնալիստիկայի ամբիոնի դոցենտ, բ.գ.թ. Աստղիկ Ավետիսյանն է:

ՄԻՋԱԶԳԱՅԻՆ ԾՐԱԳՐԵՐ

4Ps4YOUth

«4P4Youth» կարողությունների զարգացման երկարաժամկետ միջազգային ծրագիր: Հայկական Փի Ար ասոցիացիան իր եվրոպական գործընկերների հետ և Եվրամիության Erasmus + ծրագրի աջակցությամբ 2018-2020 թթ. իրականացրել է 18-ամսյա ծրագիր, որի նպատակն էր կազմակերպությունների և բուհական կառույցների ներկայացուցիչներին փոխանցել հանրային կապերի գաղտնիքները, թվային գործիքների օգտագործման հնարավորությունները, ինչպես նաև PR տեխնոլոգիանների թիրախավորված կիրառման առանձնահատկությունները:

PR cocktail for Youth worker

2014թ. հուլիսի 21-ից 27-ը «Հայկական Փի Ար ասոցիացիա» գիտատեղեկատվական ՀԿ Եվրամիության «Youth in Action» ծրագրի շրջանակում իրականացրեց «PR cocktail for Youth worker» միջազգային ուսուցողական դասընթացը, որին մասնակցեցին Իսպանիայից, Հունգարիայից, Ռումինիայից, Մոլդովայից, Ուկրաինայից, Էստոնիայից, Լիտվայից, Բուլղարիայից, Բելառուսից, Թուրքիայից, Վրաստանից և Հայաստանից ավելի քան 40 երիտասարդ առաջնորդներ և հանրային կապերի մասնագետներ:

10352577_10152440139688180_1541414757529

Be a creative entrePReneur

«Հայկական Փի Ար ասոցիացիա» գիտատեղեկատվական հասարակական կազմակերպությունը, Երիտասարդական ակումբների դաշնության (FYCA) հետ համատեղ, Եվրամիության «Youth in Action» ծրագրի շրջանակում 2014 թ. մայիսի 25-ից հունիսի 2-ն իրականացրեց «Be a creative entrePReneur» (Եղիր կրեատիվ ձեռնարկատեր) միջազգային ուսուցողական դասընթացը, որին մասնակցեցին Մեծ Բրիտանիայի, Հունգարիայի, Ուկրաինայի, Մոլդովայի, Ռումինիայի, Լեհաստանի, Վրաստանի և Հայաստանի 42 ներկայացուցիչ:

VIRTrUrAL crossroad

«Հայկական Փի Ար ասոցիացիա» գիտատեղեկատվական ՀԿ-ն (”Armenian PR Association” scientific-informational NGO) Դիլիջանում 2013 թ. օգոստոսի 15-ից 23–ը Եվրամիության «Youth in Action» ծրագրի շրջանակում իրականացրեց «VIRTrUrAL CROSSROAD» երիտասարդական փոխանակման ծրագիրը, որին մասնակցեցին 30 երիտասարդ Հայաստանից, Վրաստանից, Ուկրաինայից, Լատվիայից, Լիտվայից, Մոլդովայից և Իտալիայից: