Եկել է ժամանակը միավորվելու և քննարկելու հաղորդակցության ոլորտի ձեռքբերումներն ու մարտահրավերները։
Հայկական Փի Ար ասոցիացիայի նախաձեռնությամբ տեղի կունենա Հայաստանում իր բնույթով աննախադեպ PR քննարկում-հանդիպում՝ «Comm. Talk»։ Հաղորդակցության ոլորտը արագ է զարգանում. ժամանակակից մարտահրավերներին, ռազմավարությանն ու թրենդերին մշտապես տեղեկացված լինելու համար PR համայնքը պետք է միասնական լինի։
Comm. Talk-ը հարթակ է, որտեղ ոլորտի առաջատար և հեղինակավոր մասնագետները հնարավորություն կունենան փոխանցելու իրենց լավագույն փորձը, արձանագրելու խնդիրներն ու առաջարկելու լուծումներ։
Եթե ունեք հետաքրքիր գաղափարներ, յուրօրինակ փորձ և պատրաստ եք կիսվել լսարանի հետ, ուրեմն մասնակցե՛ք «COMM. TALK»-ին։ Մեր դռները բաց են յուրաքանչյուրիդ առջև, պարզապես, մենք էլ մեր կանոններն ունեք։
Լսե՞լ եք 25-րդ կադրի մասին։ Վստահ ենք՝ այո՛։ Այս սկզբունքը հայտնի է հաղորդակցության մասնագետներին, չէ՞ որ արգելված կամ, այլ կերպ ասած, «ավելորդ» կադրն է ամենամեծ ազդեցությունը թողնում լսարանի վրա։ Մենք որոշել ենք կիրառել այդ տեխնոլոգիան «COMM. TALK»-ի ժամանակ։ Ո՛չ, կանոններ ու օրենքներ չենք խախտելու։ Պարզապես ելույթը պետք է կառուցված լինի «10 սլայդ 25 վայրկյանում» սկզբունքով։ Կարճ, բայց հստակ ուղերձից հետո տեղի կունենա պանելային քննարկում։ Յուրաքանչյուր թեմայի շուրջ բանախոսելու հնարավորություն կունենա 5 մասնագետ։ Յուրաքանչյուր բլոկում պանելային քննարկման տևողությունը կլինի 30 րոպե։ Մոդերատորի միջոցով հարցեր տալու հնարավորություն կունենա նաև հանդիսատեսը։
Comm.Talk 2025-ի թեմաներն են՝
-
Հաղորդակցության զարգացման միտումները Հայաստանում և աշխարհում
-
Թվային հաղորդակցություն
-
Ինֆլյուենսեր հաղորդակցություն
-
Հեղինակության կառավարում
-
Ռիսկերի կառավարում և ճգնաժամային հաղորդակցություն
-
Բրենդի կառավարում
Ի դեպ, եթե չեք գտնում ձեր նախընտրած թեման մեր ցանկում, կարող եք առաջարկել ինքներդ։ Գլխավոր նախապայմանն է, որ այն լինի արդիական, հետաքրքիր և տպավորիչ։
Պատրա՞ստ եք ընդունել այս մարտահրավերը։ Ուրեմն՝ միացե՛ք «COMM. TALK»-ին։