PR դպրոցն այլևս իրականություն է



10612819_1584387128446445_692889994223382390_n.jpg

«Հայկական Փի Ար ասոցիացիա» գիտատեղեկատվական հասարակական կազմակերպության նախաձեռնությամբ փետրվարի 23-ին մեկնարկեց «Հանրային կապերի /PR/ դպրոցը»: «Հանրային կապերի դպրոցը» ուսուցողական ծրագիր է, որը նպատակ է հետապնդում մասնագետների գիտելիքների և հմտությունների խորացմանն ու զարգացմանը՝ ոչ ֆորմալ կրթության մեթոդաբանության կիրառմամբ: Դպրոցի խնդիրն է. • հանրային կապերի ուսուցումը, երիտասարդ և սկսնակ մասնագետների շրջանում իմացության մակարդակի բարձրացումը, • ծանոթացումը ոլորտում աշխատող և երկարամյա փորձ ունեցող մասնագետների հետ՝ համատեղ ծրագրեր և գործունեություն ծավալելու համար, • մամուլի քարտուղարների, հանրային կապերի մասնագետների վերապատրաստումը, • գիտատեսական և կիրառական համատեղ հետազոտությունների իրականացումը: Եռամսյա դպրոցի ունկնդիրները անվճար ծանոթանալու են Հայաստանի Հանրապետության հանրային կապերի ոլորտում 25 տարիների ընթացքում ստեղծված ու կայացած PR դաշտի գործունեությանը, արձանագրված հաջողություններին ու ձևավորված փորձին: Ուսուցողական հանդիպումների ընթացքում ունկնդրելու են ՀՀ PR դաշտում գործունեություն ծավալած վարպետների, ոլորտի նախկին և գործող պաշտոնատար բարձրաստիճան անձանց (նախագահների և նախարարների մամուլի քարտուղարներ, գերատեսչությունների հանրային կապերի ստորաբաժանումների պատասխանատուներ և այլք) ելույթներն ու հաջողված փորձի օրինակները: «PR դպրոցի» առաջին բանախոսն էր «Առավոտ» թերթի գլխավոր խմբագիր, հրապարակախոս, արվեստագիտության թեկնածու, 1992-94 թթ. ՀՀ Նախագահի մամուլի քարտուղար Արամ Աբրահամյանը: Ծրագրին աջակցում է «Փաստաբանական դպրոց» հիմնադրամը:


Հայկական Փի Ար ասոցիացիան Հայաստանում գործող հանրային կապերի և հաղորդակցության առաջատար կազմակերպություն է, որը հիմնադրվել է 2006 թվականին։

© 2021 | Հայկական Փի Ար ասոցիացիա

Հայաստանի Հանրապետություն, ք. Երևան 0015, Մեսրոպ Մաշտոցի պողոտա 4, 1/1

Հեռ.՝ 37410588768  Էլ. հասցե՝ office@armpr.org